মুখ্য পৃষ্ঠা
06/04/2515:10
"মোৰ মৃত্যুৰ দিনা"
যিদিনা মোক বুজিবা ,
হয়তো সেইদিনা তুমি মোক
মৃত্যু চিতাত দেখিবা ।
যিদিনা মোক ওচৰত বিচাৰিবা ,
হয়তো সেইদিনা মোৰ চিতাত ,
জ্বলি থকা কিছুমান কাঠৰ
টুকুৰা দেখিবা ।
শেষ নিশাৰ জীৱন ৰাগিণীত ,
মতলিয়া নহয় মোৰ ভালপোৱা ।
বিদায় নিশাৰ অন্ধকাৰত ,
অনুতাপৰ অশ্ৰুত ,
উটুৱাই দিম মোৰ পাপৰ টুপুলা ।
কল্পনাৰ সিপাৰত আছিল ,
তুমি দিয়া যন্ত্ৰণা ।
ইতি পৰিল আজি মোৰ ভালপোৱা ।
মোৰ চিতাৰ জুই দেখি ,
তুমি আচৰিত নহ'বা ।
মোৰ মৃতদেহ চাবলৈ তুমি নাহিবা ।
মোৰ মৃতদেহ ঢ়াকি দিয়া বগা কাপোৰ খন ,
তুমি দুভৰিৰে গচকি লেটেৰা নকৰিবা ।
মোৰ চিতাৰ ওচৰলৈ তুমি নাহিবা ,
মোৰ চিতাৰ পৰা ওলোৱা ক'লা ধোৱাঁৰে ,
তোমাৰ ধুনীয়া মুখ খন ক'লা নকৰিবা ।
অন্তিম নিশাত মোক আৰু অভিশাপ
নিদিবা ,
মৃত্যু ধুমুহাত উৰুৱাই দিম
মোৰ ভালপোৱাৰ যন্ত্ৰণা ।
মোৰ চিতাৰ ওচৰত বহি ,
তুমি উচুপি নাকান্দিবা ।
তোমাৰ চকুলোৰে মোৰ মৃত্যু পথ ,
পিচল নকৰিবা ।
ভালপোৱাৰ অপৰাধ বোৰ ,
মোৰ অস্তিৰ দৰে ,
নদীত উটুৱাই দিবা ।
মোৰ মৃত্যু দিনা ,
তুমি মাথো মিছিকি হাঁহিবা |
© ৰাজু কলিতা
12/11/13
